എം.ഡി എം.എ. യുമായി അടിവാരത്ത് വെച്ച് എളേറ്റിൽ സ്വദേശി പിടിയിൽ.

അടിവാരം നൂറാംതോട് റോഡിലെ സ്വകാര്യ വ്യക്തിയുടെ അപ്പാർട്ട്മെൻ്റിൽ വെച്ച് ഇന്നലെ രാത്രിയാണ് രഹസ്യ വിവരത്തിൻ്റെ അടിസ്ഥാനത്തിൽ  കോടഞ്ചേരി പോലീസിന്    നടത്തിയ പരിശോധനയിൽ എളേറ്റിൽ വട്ടോളി കരിമ്പ പൊയിൽ സ്വദേശിയായ  ഫായിസ് മുഹമ്മദ് (29) ൻ്റെ കയ്യിൽ നിന്നും 5.080 ഗ്രാം എം.ഡി.എം.എയും 86 300 രൂപയും പോലീസ് പിടികൂടിയത്. പ്രതിയെ അറസ്റ്റ് ചെയ്തു.

കോടഞ്ചേരി പോലീസ് സ്‌റ്റേഷനിലെ എസ്. ഐ. ജിതേഷ് കെ. എസ്, ഷാനിൽ കുമാർ, വിമിൽ, എന്നിവരുടെ നേതൃത്വത്തിലായിരുന്നു. പരിശോധന നടത്തിയത്. ഓപ്പറേഷൻ തൂഫാൻ്റെ ഭാഗമായി പോലീസ് പരിശോധന ശക്തമാക്കിയിട്ടുണ്ട്, ഇയാൾ മുമ്പും കേസുകളിൽ പ്രതിയായിട്ടുള്ള ആളാണ്.

ഓപ്പറേഷന്‍ തൂഫാന്‍റെ ഭാഗമായി സംസ്ഥാന വ്യാപകമായി നടത്തിയ  പരിശോധനയില്‍ 106 കേസുകള്‍ രജിസ്റ്റര്‍ ചെയ്തു. 

114 പേര്‍ അറസ്റ്റിലായി. 

രജിസ്റ്റര്‍ ചെയ്ത കേസുകളില്‍ സ്മാള്‍ ക്വാണ്ടിറ്റി കൈവശം വെച്ചതിന് 38 കേസുകളും മീഡിയം ക്വാണ്ടിറ്റി കൈവശം വെച്ചതിന് ഒരു കേസും കൊമേഴ്ഷ്യല്‍  ക്വാണ്ടിറ്റി കൈവശം വെച്ചതിന് ഒരു കേസും 27 എന്‍.ഡി.പി.എസ് ആക്ട്  പ്രകാരം 66 കേസുകളും കോട്പ (COTPA) പ്രകാരം 43 കേസുകളും രജിസ്റ്റര്‍ ചെയ്തിട്ടുണ്ട്. ഇവരില്‍ നിന്ന് 387.57 ഗ്രാം എം.ഡി.എം.എയും 1.039 കി.ഗ്രാം കഞ്ചാവും 7 ഗ്രാം ഹാഷിഷ്   ഓയിലും 0.15 ഗ്രാം ബ്രൗണ്‍ ഷുഗറും, 0.1 ഗ്രാം ഹെറോയിനും, ഒരു കഞ്ചാവ് ചെടിയും പിടിച്ചെടുത്തു.

ഓപ്പറേഷന്‍ തൂഫാന്‍റെ ഭാഗമായി ഇതുവരെ 6288 കേസുകളാണ് രജിസ്റ്റര്‍ ചെയ്തത്. ആകെ 6746 അറസ്റ്റുകള്‍ നടന്നു. ഇതുവരെ പിടിച്ചെടുത്ത എം.ഡി.എം.എ 4369.461 ഗ്രാം. കഞ്ചാവ് 463.489 കി.ഗ്രാം.

ഓപ്പറേഷന്‍ തൂഫാന്‍റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 90 ബോധവല്‍ക്കരണ ക്ലാസുകള്‍ നടത്തി. ഇതുവരെ നടത്തിയ ആകെ ബോധവല്‍ക്കരണ ക്ലാസ്സുകളുടെ എണ്ണം 6688 ഉം കൗണ്‍സിലിങ്ങുകളുടെ എണ്ണം 320 ഉം ആണ്. സ്കൂള്‍, കോളേജ് പ്രൊട്ടക്ഷന്‍ ഗ്രൂപ്പുകളുടെ നേതൃത്വത്തില്‍ ആകെ 5351 ബോധവത്ക്കരണ പരിപാടികളും നടത്തി.

ലഹരി വിപണനത്തെക്കുറിച്ചുള്ള വിവരങ്ങള്‍ പൊതുജനങ്ങള്‍ക്ക് നേരിട്ടും (9497979794, 9497927797) വാട്സ്ആപ്പ് (9995966666) മുഖേനയും പോലീസിനെ അറിയിക്കാം. ഈ നമ്പറുകളിലേക്ക് ബന്ധപ്പെടുന്നവരുടെ വിവരങ്ങള്‍ രഹസ്യമായി സൂക്ഷിക്കും.

 #statepolicemediacentre #KeralaPolice #OperationThoofan