ആസൂത്രിതമായ രീതിയിലാണ് സംഘത്തിന്റെ ഇടപാടുകളെന്ന് പോലീസ് അറിയിച്ചു. കസ്റ്റമറുമായി കീര്ത്തന നേരിട്ട് സമ്പര്ക്കം പുലര്ത്തിയിരുന്നില്ല.
ലഹരിമരുന്ന് ആവശ്യമുള്ളവര് കീര്ത്തനയുടെ ബാങ്ക് അക്കൗണ്ടിലേക്കാണ് പണം അയക്കേണ്ടത്. പണം അക്കൗണ്ടില് എത്തിയെന്ന് ഉറപ്പുവരുത്തിയാല് കീര്ത്തന ആവശ്യക്കാര്ക്ക് ലൊക്കേഷന് അയച്ചുനല്കും. തുടര്ന്ന് ഈ ലൊക്കേഷനില് മറ്റൊരു വ്യക്തി എത്തിയാണ് എംഡിഎംഎ കൈമാറുന്നത്.
ലക്ഷക്കണക്കിന് രൂപയാണ് ഇവരുടെ അക്കൗണ്ടിലേക്ക് ഇത്തരത്തില് വന്നുകൊണ്ടിരുന്നതെന്ന് പോലീസ് പറഞ്ഞു.
പേരാമ്പ്രയില് നിന്നു കസ്റ്റഡിയിലെടുത്ത കീര്ത്തനയെ നിലവില് വടകര പോലീസ് സ്റ്റേഷനില് എത്തിച്ച് ചോദ്യം ചെയ്തുവരികയാണ്. ഇവരുമായി ബന്ധപ്പെട്ട ലഹരി ശൃംഖലയെക്കുറിച്ചുള്ള അന്വേഷണം പോലീസ് ഊര്ജിതമാക്കിയിട്ടുണ്ട്. മനോജ് രാമത്ത്, ഷാജി, അനൂപ് സെന്, ചിത്രദാസ്, നിയേഷ്, ശോഭിത്ത് എന്നിവരടങ്ങിയ ഡാന്സാഫ് സംഘമാണ് കീര്ത്തനയെ പിടികൂടിയത്.