വീട് തുറന്ന് പരിശോധിച്ചതില് ഒരു റൂമില് നിന്നും ആറ് ചാക്കുകളിലായി സൂക്ഷിച്ച ഏകദേശം അയ്യായിരത്തോളം പായ്ക്കറ്റ് ഹാന്സ് കണ്ടെടുക്കുകയായിരുന്നു. പിന്നീട് വീടിന്റെ പോര്ച്ചില് നിര്ത്തിയിട്ടിരുന്ന ഇയാളുടെ കെ.എല് 11 ബി.ടി 2179 സ്കൂട്ടറിന്റെ ഡിക്കി തുറന്ന് പരിശോധിച്ചപ്പോള് 180 പാക്കറ്റ് ഹാന്സും കൂടി പിടിച്ചെടുത്തു. വാഹനവും പോലീസ് കസ്റ്റഡിയില് എടുത്തിട്ടുണ്ട്. രാമനാട്ടുകരയില് സ്റ്റേഷനറി കട നടത്തുന്ന മുസ്തഫ ഈ കടയുടെ മറവിലാണ് നിരോധിത പുകയില ഉല്പ്പന്നമായ ഹാന്സ് മൊത്തമായും ചില്ലറയായും വില്പ്പന നടത്തിയിരുന്നത്. രാമനാട്ടുകര, ഫറോക്ക് ഭാഗങ്ങളിലെ ഇതരസംസ്ഥാന തൊഴിലാളികളും വിദ്യാര്ത്ഥികളും യുവാക്കളും ഉള്പ്പെടെയുള്ളവര് ഹാന്സ് വാങ്ങാന് കടയില് വരാറുണ്ടെന്നും ആവശ്യക്കാര്ക്ക് മൊത്തമായി എത്തിച്ച് കൊടുക്കാറുണ്ടെന്നും ഇയാള് പോലീസിന് മൊഴി നല്കി.