ആദ്യം ആകാശത്തേക്കും പിന്നാലെ പ്രതിഷേധക്കാർക്ക് നേരെയും ആറ് റൗണ്ട് വെടിയുതിർത്തതായാണ് റിപ്പോർട്ടുകൾ. ഇതോടെ പ്രതിപക്ഷ വിദ്യാർത്ഥി സംഘടനകൾ അടക്കം വലിയ പ്രതിഷേധം ആണ് ഉയർത്തിയത്. എസ്എഫ്ഐ സംസ്ഥാന പ്രസിഡന്റ് കാന്തി കുമാരി അടക്കം ഇപ്പോഴും ജയിൽ വാസം അനുഭവിക്കുകയാണ്.
രാജ്യ സുരക്ഷയ്ക്ക് ഭീഷണിയാകുന്ന ഭീകര സേനകളെ അടക്കം നേരിടാൻ വേണ്ടി മാത്രമാണ് എകെ47 തോക്ക് സാധാരണ ഉപയോഗിക്കാറുള്ളത്. അത് വിദ്യാർത്ഥികൾക്ക് നേരെ ഉപയോഗിച്ചതിൽ വലിയ വിമർശനമാണ് ഇപ്പോൾ പ്രതിപക്ഷം ഉയർത്തുന്നത്. പ്രതിഷേധിച്ച വിദ്യാർത്ഥികൾക്കെതിരെ കേസും രജിസ്റ്റർ ചെയ്തിട്ടുണ്ട്. ഇത് കേന്ദ്ര സർക്കാർ നൽകിയ ഉറപ്പിന്റെ ലംഘനമായാണ് വിലയിരുത്തുന്നത്. പാർലമെന്റിലേക്ക് വിദ്യാർത്ഥികൾ നടത്തിയ മാർച്ചിൽ നേരത്തെ പെല്ലറ്റ് ഗൺ ഉപയോഗിച്ചത് വിവാദമായിരുന്നു.