താമരശ്ശേരി.
റമദാൻ മുന്നോട്ട് വെക്കുന്ന മാനവികതയുടെയും സാഹോദര്യത്തിൻ്റേയും മൂല്യങ്ങൾക്ക് പ്രസക്തിയേറുന്ന ഈ കാലഘട്ടത്തിൽ മാനുഷിക മൂല്യങ്ങളുടെ സംരക്ഷണത്തിന് സമൂഹം ഐക്യപ്പെടണമെന്ന് ഡോ.എം കെ.മുനീർ എംഎൽഎ പറഞു,
ജമാഅത്തെ ഇസ്ലാമി താമരശ്ശേരിയിൽ സംഘടിപ്പിച്ച സൗഹൃദ ഇഫ്താർ വിരുന്ന് ഉദ്ഘാടനം ചെയ്ത് കൊണ്ട് സംസാരിക്കുകയായിരുന്നു എം എൽ എ.ഒരു മാസക്കാലത്തെ വ്രതാനുഷ്ഠാനം കൊണ്ട് നേടിയെടുക്കുന്ന ആത്മീയവും മാനസികവുമായചൈതന്യം അടുത്ത റമദാൻ വരെ ചോർന്ന് പോവാതെ കാത്ത് സൂക്ഷിച്ചാൽ മനുഷ്യർ തമ്മിലുള്ള ജാതിയുടെയും മതത്തിൻ്റേയും പേരിലുള്ള സംഘർഷങ്ങൾക്ക് സമൂഹത്തിൽ സ്ഥാനമുണ്ടാവുകയില്ലെന്നും അദ്ധേഹം കൂട്ടിച്ചേർത്തു.
വംശീയതയുടെ ശക്തികൾ വെറുപ്പും വിദ്വേഷവും വിതച്ചു അധികാരം വാഴുന്ന കാലത്ത് സഹോദര്യത്തിന്റെ കൂടിചേരലുകൾ ഏറെ പ്രതീക്ഷ നൽകുന്നതാണെന്ന് റമദാൻ സന്ദേശം നൽകി കൊണ്ട് സംസാരിച്ച ജമാഅത്തെ ഇസ്ലാമി ജില്ലാ പ്രസിഡൻ്റ് ഫെസൽ പൈങ്ങോട്ടായി പറഞ്ഞു.സ്നേഹവുംപരസ്പര സൗഹാർദ്ദവും കൂടുതൽ ഊഷ്മളമാക്കേണ്ട സന്ദർഭമാണെന്നും അദ്ധേഹം കൂട്ടിച്ചേർത്തു.
സി പി ഐ എം താമരശ്ശേരി ഏരിയ സെക്രട്ടറി കെ.ബാബു, കർഷക കോൺഗ്രസ് സംസ്ഥാന വൈസ് പ്രസിഡൻ്റ് പി.സി.ഹബീബ് തമ്പി, മുസ്ലീം ലീഗ് താമരശ്ശേരി പഞ്ചായത്ത് പ്രസിഡൻ്റ് പി.പി.ഹാ ഫിസുറഹ്മാൻ, സി.പിഐ എം ലോക്കൽ സെക്രട്ടറി ടി.കെ.അരവിന്ദാക്ഷൻ മാസ്റ്റർ, കെ.പ്രഭാകരൻ നമ്പ്യാർ,സി പി ഐ മണ്ഡലം കമ്മിറ്റി അംഗം വി.കെ.അഷ്റഫ്, ബ്ലോക്ക് കോൺഗ്രസ് കമ്മറ്റി പ്രസിഡൻ്റ്.പി.ഗിരീഷ് കുമാർ, വ്യാപാരാ വ്യവസായി ഏകോപന സമിതി താമരശ്ശേരി യൂണിറ്റ് ജനറൽ സെക്രട്ടറി റെജി ജോസഫ് തുടങ്ങിയവർ സംസാരിച്ചു.എംഎ മുഹമ്മദ് യൂസുഫ് സ്വാഗതവും എ.ടി നജീബ് നന്ദിയും പറഞ്ഞു. അർബൻ ബാങ്ക് സൊസൈറ്റി പ്രസിഡൻ്റ് വി.കെ.മുഹമ്മദ് കുട്ടി മോൻ, യു ഡി എഫ് കൺവീനർ പി.ടി ബാപ്പു,പ്രസ് ക്ലബ് പ്രതിനിധി സോമൻപിലാത്തോട്ടം, താമരശ്ശേരി താലൂക് ആശുപത്രി മുൻ സൂപ്രണ്ട് ഡോ.കെ അബ്ബാസ്, റിട്ടയർ വിജിലൻപ് എസ്.പി സി.ടി ടോം,കട്ടിപ്പാറ പഞ്ചായത്ത് മുസ്ലിം ലീഗ് ജനറൽ സെക്രട്ടറി ഹാരിസ് അമ്പായത്തോട്, പി.സി.അബ്ദുൽ റഹീം, ബിപിഒ വി .എം മെഹറലി ,സലീം കാരാടി,തുടങ്ങി സമൂഹത്തിൻ്റെ നാനാതുറകളിൽ പെട്ട പ്രമുഖരുടെ സാന്നിധ്യം കൊണ്ട് ശ്രദ്ധേയമായിരുന്നു ഇഫ്താർ സംഗമം,
