. ആഗോള തലത്തിൽ സ്വർണ്ണം (International Gold Rate) മികച്ച നേട്ടത്തിലാണ് നിലവിൽ വ്യാപാരം നടത്തുന്നത്. കേരളത്തിലെ വെള്ളിവിലയിൽ (Silver Rate) ഇന്ന് ചെറിയ താഴ്ച്ചയുണ്ട്.
ഇന്നലെ കേരളത്തിലെ സ്വർണ്ണവിലയിൽ മാറ്റമില്ലായിരുന്നു. പവന് 52,280 രൂപയും, ഗ്രാമിന് 6535 രൂപയുമാണ് വില. ഇത് കേരളത്തിന്റെ ചരിത്രത്തിലെ രണ്ടാമത്തെ സർവ്വകാല ഉയരമാണ്. ഏപ്രിൽ രണ്ടാം തിയ്യതി ഒരു പവൻ സ്വർണ്ണത്തിന് 50680 രൂപയും, ഗ്രാമിന് 6335 രൂപയുമായിരുന്നു വില. ഇത് ഈ മാസത്തെ ഏറ്റവും താഴ്ന്ന വിലനിലവാരമാണ്.
കഴിഞ്ഞ മാർച്ചിൽ സ്വർണ്ണവിലയിൽ വലിയ റാലിയാണ് നടന്നത്. 2023 ഡിസംബറിന് ശേഷം തുടർച്ചയായി വില വർധിച്ച മാസം കൂടിയാണ് മാർച്ച്. ഈ മാസവും ഇതേ ട്രെൻഡ് തുടരുകയാണ്. ഏപ്രിൽ മാസത്തിൽ ഇതു വരെ ഒരു പവൻ സ്വർണ്ണത്തിന് 2320 രൂപയാണ് വർധിച്ചത്. ഒരു ഗ്രാമിന് 290 രൂപ ഉയർന്നു.
കഴിഞ്ഞ മാസം, മാർച്ച് ഒന്നാം തിയ്യതി ഒരു പവൻ സ്വർണ്ണത്തിന് 46320 രൂപയും, ഗ്രാമിന് 5790 രൂപയുമായിരുന്നു വില.
ഇന്നത്തെ വിലയുമായി താരതമ്യം ചെയ്യുമ്പോൾ, ഒരു മാസത്തിനിപ്പുറം പവന് 6200 രൂപയും, ഗ്രാമിന് 775 രൂപയുമാണ് വില വർധിച്ചിരിക്കുന്നത്
ആഗോള സ്വർണ്ണവില (International Gold Rate)
അന്താരാഷ്ട്ര തലത്തിൽ ഭീമമായ നേട്ടത്തിലാണ് ഈ വാരത്തിന്റെ തുടക്കത്തിലും വ്യാപാരം നടക്കുന്നത്. ട്രോയ് ഔൺസിന് 32.95 ഡോളർ (1.43%) ഉയർന്ന് 2344.59 ഡോളർ എന്നതാണ് നിരക്ക്.
വെള്ളിവില (Silver Rate)
കേരളത്തിലെ വെള്ളിവിലയിൽ ഇന്ന് നേരിയ ഇടിവുണ്ട്. ഒരു ഗ്രാം വെള്ളിക്ക് 86.90 രൂപയാണ് വില. 8 ഗ്രാമിന് 695.20 രൂപ,10 ഗ്രാമിന് 869 രൂപ,100 ഗ്രാമിന് 8690 രൂപ, ഒരു കിലോഗ്രാമിന് 86,900 രൂപ എന്നിങ്ങനെയാണ് വിലനിലവാരം.