തുടര്ച്ചയായ അവഗണനയിൽ മനം മടുത്താണ് കോണ്ഗ്രസ് വിടുന്നതെന്ന് പദ്മജ വേണുഗോപാല് ഏഷ്യാനെറ്റ് ന്യൂസിനോട് പ്രതികരിച്ചത്. വേദനയോടെയാണ് പാര്ട്ടി വിടുന്നത്. കോണ്ഗ്രസുകാര് തന്നെ ബിജെപിയാക്കി. കെ.മുരളീധരന്റെ വിമര്ശനങ്ങള് കേള്ക്കുന്പോള് ചിരിയാണ് വരുന്നതെന്നും പദ്മജ പറഞ്ഞു. ഉപാധികളൊന്നുമില്ലാതെയാണ് ബിജെപിയിലേക്ക് പോകുന്നതെന്ന് പദ്മജ വേണുഗോപാല് പറയുമ്പോഴും ഗവര്ണ്ണര് പദവിയടക്കം ചര്ച്ചയിലുണ്ടെന്നാണ് സൂചന. ചാലക്കുടിയില് മത്സരിപ്പിക്കുന്നതിലും ആലോചനകളുണ്ട്. ചാലക്കുടിയിൽ പദ്മജ മത്സരിക്കുകയാണെങ്കില് ചാലക്കുടി സീറ്റ് ബിജെപിയെടുത്ത് എറണാകുളം സീറ്റ് ബിഡിജെഎസിന് നല്കിയേക്കും.
മകൾ വരെ ബിജെപിയിലെത്തുമ്പോൾ വിശ്വാസ്യത പോകുന്നു എന്നതാണ് പാർട്ടി നേരിടുന്ന വലിയ പ്രതിസന്ധി. പദ്മജക്ക് നൽകിയ സ്ഥാനമാനങ്ങൾ എണ്ണിപ്പറഞ്ഞ് ചതിച്ചെന്ന് പറഞ്ഞ് നേരിടാനാണ് കോൺഗ്രസ് നീക്കം