ബെംഗളൂരു: രാമനഗര ഗൊല്ലറതൊഡ്ഡി ഗ്രാമത്തിൽ മഗഡിക്കടുത്ത് റോഡ് മുറിച്ചു കടക്കുകയായിരുന്ന രണ്ട് കുട്ടികൾ ലോറിയിടിച്ച് മരിച്ചു.
മൂന്ന് പേർക്ക് പരിക്കേറ്റു. എം. രോഹിത്(അഞ്ച്), കെ. ശാലിനി (എട്ട്) എന്നിവരാണ് മരിച്ചത്.
രാത്രി ട്യൂഷൻ കഴിഞ്ഞ് ഒരുമിച്ച് വീടുകളിലേക്ക് മടങ്ങുകയായിരുന്ന അഞ്ച് കുട്ടികളെ ലോറി ഇടിച്ചു വീഴ്ത്തുകയായിരുന്നു.
ലോറിയിൽ നിന്ന് ഡ്രൈവർ ഇറങ്ങിയോടി.
ഇയാളെ പിന്നീട് നാട്ടുകാർ പിടികൂടി പോലീസിൽ ഏൽപിച്ചു.
മറ്റ് മൂന്ന് കുട്ടികൾ ആശുപത്രിയിൽ.
മഗഡിയിൽ നിന്ന് വരുകയായിരുന്ന ലോറി അമിത വേഗത്തിലായിരുന്നുവെന്ന് ദൃക്സാക്ഷികൾ പോലീസിനോട് പറഞ്ഞു.