ജലത്തിൽ സ്വതന്ത്രമായി ജീവിക്കുന്ന അമീബ, കുളത്തിലോ മറ്റോ കുളിക്കുമ്പോൾ നമ്മുടെ മൂക്കിലൂടെയോ ശരീരത്തിൽ കടക്കും. അങ്ങനെയാണ് തലച്ചോറിനെ ഗുരുതരമായി ബാധിക്കുന്ന ഈ രോഗം ഉണ്ടാകുന്നത് . 2017ൽ ആലപ്പുഴ മുനിസിപ്പാലിറ്റിയിൽ ഈ രോഗം റിപ്പോർട്ടുചെയ്തിരുന്നു.
പനി, തലവേദന, ഛർദ്ദി, അപസ്മാരം മുതലായവയാണ് ഈ രോഗത്തിന്റെ ലക്ഷണങ്ങൾ. മലിനജലത്തിൽ കുളിക്കുന്നതും മുഖം കഴുകുന്നതും ഒഴിവാക്കണമെന്ന് ജില്ലാ ആരോഗ്യവകുപ്പ് ഉദ്യോഗസ്ഥർ നിർദേശം നൽകി.