ഇന്നുരാവിലെ ആറുമണിയോടെയാണ് അപകടം. സ്റ്റീൽ കമ്പനിയിലെ ഫർണസ് പൊട്ടിത്തെറിച്ചാണ് അപകടമെന്നാണ് പ്രാഥമിക നിഗമനം. സ്ഥാപനത്തിലെ ഓപറേറ്ററാണ് തീപൊള്ളലേറ്റുമരിച്ച അരവിന്ദ്. അരവിന്ദിന്റെ മൃതദേഹം പൂർണമായും കത്തിക്കരിഞ്ഞ നിലയിലായിരുന്നു.
ഇതരസംസ്ഥാന തൊഴിലാളികൾക്കാണ് തീപിടിത്തത്തിൽ പൊള്ളലേറ്റത്. ഇവരെ ആശുപത്രിയിൽ പ്രവേശിപ്പിച്ചിട്ടുണ്ട്. എല്ലാവരുടെയും നില ഗുരുതരമാണെന്നാണ് വിവരം.
ഫയർഫോഴ്സ് സംഘവും നാട്ടുകാരും ചേർന്ന് തീ നിയന്ത്രണവിധേയമാക്കിയിട്ടുണ്ട്. ഫാക്ടറിക്കകത്ത് കുടുങ്ങിക്കിടക്കുന്നവരെ രക്ഷിക്കാനുള്ള ശ്രമം തുടരുകയാണ്.