താമരശ്ശേരിയിൽ നിന്നും വ്യാപാരിയെ തട്ടിക്കൊണ്ടുപോയ കേസിലെ രണ്ടു പ്രതികളെ അറസ്റ്റു ചെയ്തു.

താമരശ്ശേരി:

ഗൾഫിലെ പണമിടപാട് തർക്കവുമായി ബന്ധപ്പെട്ടാണ് താമരശ്ശേരിയിൽ നിന്നും വ്യാപാരിയെ തട്ടിക്കൊണ്ടു പോയ കേസിൽ നേരിട്ട് പങ്കെടുത്ത രണ്ടു പേരെ പോലീസ് അറസ്റ്റു ചെയ്തത്. .ഇതോടെ പിടിയിൽ ആയവരുടെ എണ്ണം ഏഴായി.

 ഗൾഫിലെ സാമ്പത്തിക ഇടപാടുമായി ബന്ധപ്പെട്ട തർക്കങ്ങളെ തുടർന്നാണ് വ്യാപാരിയെ ക്വട്ടേഷൻ നൽകി  തട്ടിക്കൊണ്ടുപോയത്.

 അഷറഫിൻ്റെ ഭാര്യാ സഹോദരനുമായിട്ടുള്ള ഇടപാടിൻ്റെ പേരിലായിരുന്നു  തട്ടിക്കൊണ്ടു പോകൽ.

മലപ്പുറം രണ്ടത്താണി കുന്നക്കാട് മുഹമ്മദ് കുട്ടി എന്ന ഫവാസ്, മലപ്പുറം രണ്ടത്താണി തിരുനിലത്ത് സാബിത് എന്നിവരെയാണ് താമരശ്ശേരി താമരശ്ശേരി DYSP അഷറഫ് തെങ്ങിലക്കണ്ടിയുടെ നേതൃത്വത്തിൽ ഇൻസ്പെക്ടർ സത്യനാഥ്, എ എസ് ഐശ്രീജിത്, Scpo ജയരാജൻ എൻ എം, ജിൻസിൽ, ലേഖ, സി പി ഒ നാൻസി എന്നിവർ ചേർന്ന് പിടികൂടിയത്. രണ്ടത്താണിയിൽ പ്രതികളുടെ വീട്ടിൽ നിന്നുമാണ് പിടികൂടിയത്.

മുക്കത്ത് സൂപ്പർ മാർക്കറ്റ് നടത്തുന്ന തച്ചംപൊയിൽ പയ്യമ്പാടി മുഹമ്മദ് അഷ്റഫിനെ (55)നെയായിരുന്നു തട്ടിക്കൊണ്ട് പോയത്.

അഷറഫിനെ ദിവസങ്ങൾക്ക് ശേഷം കൊല്ലം ജില്ലയിലെ കിളിമാനൂരിൽ ഉപേക്ഷിക്കുകയായിരുന്നു.

ഇതോടെ സംഭവുമായി ബന്ധപ്പെട്ട് അറസ്റ്റിൽ ആയവരുടെ എണ്ണം 7 ആയി. കേസുമായി ബന്ധപ്പെട്ട് ഇനി 4 പേരെയാണ് പിടികൂടാനുള്ളത്.