റോഡ് വികസനത്തിന്റെ പേരിൽ മുറിച്ചു മാറ്റിയ മരങ്ങൾ റോഡരികിൽ തന്നെ;അപകടം ക്ഷണിച്ചു വരുത്തുമെന്ന് നാട്ടുകാർ

ഈങ്ങാപ്പുഴ: ഈങ്ങാപ്പുഴ അങ്ങാടിക്ക് സമീപം കോയാസിനും - പാലത്തിനും ഇടയിൽ റോഡരികിൽ മുറിച്ചിട്ട മരങ്ങൾ അപകട ഭീഷണി ഉയർത്തുന്നതായി നാട്ടുകാർ പരാതിപ്പെട്ടു. വാഹനങ്ങൾ സൈഡ് നൽകുന്ന അവസരത്തിലാണ് അപകട സാധ്യത.

റോഡരികിൽ നിന്നു മുറിച്ചു മാറ്റിയ മരം കഷ്ണങ്ങളാക്കിയാണ് റോഡരികിൽ തന്നെ കൂട്ടിയിട്ടിരിക്കുന്നത്.

ആഴ്ചകൾ പിന്നിട്ടിട്ടും തടി റോഡിൽ നിന്നും നീക്കം ചെയ്തിട്ടില്ല.

 

രാത്രി കാലങ്ങളിൽ  എതിർ ദിശയിലെ വാഹനങ്ങളുടെ പ്രകാശം കണ്ണിൽ പതിക്കുമ്പോൾ റോഡിലേക്ക് തള്ളി നിൽക്കുന്ന തടിക്കഷണങ്ങൾ ഡ്രൈവർമാരുടെ ശ്രദ്ധയിൽ പെടില്ലെന്നും, ഇത് അപകടത്തിന് കാരണമാകുമെന്നും നാട്ടുകാർ പറഞ്ഞു.