അപകടത്തിൽ പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. ഡ്രൈവറുടെ നില ഗുരുതരമാണ്. ഇലവുങ്കൽ - എരുമേലി റോഡിലെ മൂന്നാം വളവിൽ ഇന്ന് ഉച്ചയ്ക്ക് 1.45നാണ് ബസ് അപകടത്തിൽപ്പെട്ടത്. നിയന്ത്രണം വിട്ട ബസ് കൊക്കയിലേക്ക് മറിയുകയായിരുന്നു. പോലീസും ഫയർ ഫോഴ്സ് ഉദ്യോഗസ്ഥരും സ്ഥലത്തെത്തി രക്ഷാപ്രവർത്തനം തുടരുകയാണ്.
ശബരില ദർശനത്തിന് ശേഷം മടങ്ങുമ്പോഴാണ് ബസ് താഴ്ചയിലേക്ക് മറിഞ്ഞത്. വളവ് തിരിയുന്നതിനിടെ നിയന്ത്രണം വിട്ട ഒരു വശത്തേക്ക് മറിയുകയായിരുന്നു. ബസ് വെട്ടിപ്പൊളിച്ചാണ് ആളുകളെ പുറത്തെടുത്തത്.