പ്രവർത്തി ദിവസം 15 മിനിറ്റ് കൂട്ടി നാലാം ശനിയാഴ്ച അവധിയാക്കാം എന്നായിരുന്നു ചീഫ് സെക്രട്ടറി വെച്ച നിർദേശം. ഇതിനു മുന്നോടിയായി സർവിസ് സംഘടനകളുമായി ചീഫ് സെക്രട്ടറി ചർച്ച നടത്തിയിരുന്നു. എന്നാൽ ഭരണ അനുകൂല സംഘടനകൾ തന്നെ എതിർപ്പ് രേഖപ്പെടുത്തുകയായിരുന്നു.
എൻ.ജി.ഒ യൂനിയനും സെക്രട്ടേറിയറ്റ് അസോസിയേഷനും ശക്തമായ എതിർപ്പാണ് രേഖപ്പെടുത്തിയത്. എതിർപ്പ് നിലനിൽക്കുന്നുവെന്ന റിപ്പോർട്ടോടു കൂടി തന്നെയാണ് ചീഫ് സെക്രട്ടറി ശിപാർശ മുഖ്യമന്ത്രിക്ക് മുന്നിലേക്ക് വെച്ചത്. തുടർന്ന് മുഖ്യമന്ത്രി നിർദേശം തള്ളുകയായിരുന്നു.