തിരുവനന്തപുരം പെരുങ്കടവിള ആലത്തൂർ സ്വദേശികളായ പ്രസാദ് (24) ഷിജു ദാസ് (24), സച്ചിൻ, സുമോദ്, കൊല്ലം മൺട്രോതുരുത്ത് തേവലക്കര സ്വദേശി അമൽ (26) എന്നിവരാണ് മരിച്ചത്.
ഐ.എസ്.ആര്.ഓ കാന്റീനിലെ താത്കാലിക ജീവനക്കാരാണ് മരിച്ച അഞ്ചുപേരും. കാർ അമിത വേഗതയിലായിരുന്നുവെന്ന് പൊലീസ് പറയുന്നു.ആന്ധ്രാപ്രദേശില്നിന്ന് അരി കയറ്റിവന്ന ലോറിയുമായാണ് കാര് കൂട്ടിയിടിച്ചത്.
അമ്പലപ്പുഴ പോലീസ് സ്റ്റേഷനില്നിന്ന് പോലീസുകാര് ഉടന് സ്ഥലത്തെത്തിയെങ്കിലും അവര്ക്ക് കാറില്നിന്ന് അപകടത്തില്പ്പെട്ടവരെ പുറത്തെടുക്കാനായില്ല. തുടർന്ന് ഫയർഫോഴ്സ് സ്ഥലത്തെത്തി കാർ വെട്ടിപ്പൊളിച്ചാണ് അഞ്ചുപേരെയും പുറത്തെടുത്തത്.
മരിച്ചവരുടെ ബന്ധുക്കള് രാവിലെയോടെ ആശുപത്രിയില് എത്തിയിട്ടുണ്ട്. സുഹൃത്തുക്കളായ ഇവര് ഒന്നിച്ച് ഒരു വിവാഹത്തില് പങ്കെടുക്കാന് പോയതാണെന്ന് ബന്ധുക്കള് പറഞ്ഞു. മൃതദേഹങ്ങൾ ആലപ്പുഴ മെഡിക്കൽ കോളജ് ആശുപത്രിയിൽ.