കഴിഞ്ഞ നിയമസഭ തെരഞ്ഞെടുപ്പില് പെരിന്തല്മണ്ണ മണ്ഡലത്തില് വെറും 38 വോട്ടിന്റെ ഭൂരിപക്ഷത്തിനാണ് യുഡിഎഫ് സ്ഥാനാര്ത്ഥി നജീബ് കാന്തപുരം ജയിച്ചത്. അപാകതകള് ചൂണ്ടിക്കാട്ടി 348 സ്പെഷ്യല് തപാല് വോട്ടുകള് എണ്ണിയിരുന്നില്ല. ഉദ്യോഗസ്ഥൻ ബാലറ്റ് കവറിൽ ഒപ്പ് വെച്ചില്ല എന്ന കാരണത്താലാണ് എണ്ണാതിരുന്നത്. ഈ വോട്ടുകള് അസാധുവാക്കിയതിനെതിരെ എതിര് സ്ഥാനാര്ത്ഥി കെപിഎം മുസ്തഫ ഹൈക്കോടതിയെ സമീപിച്ചിരുന്നു. പെരിന്തല്മണ്ണ സബ് ട്രഷറിയില് സൂക്ഷിച്ചിരുന്ന സ്പെഷ്യല് തപാല് വോട്ടുകളും മറ്റും ഹൈക്കോടതിയുടെ സംരക്ഷണയിലേക്ക് മാറ്റണമെന്ന മുസ്തഫയുടെ ആവശ്യം കോടതി അംഗീകരിച്ചിരുന്നു.