വ്യാപാരിയെ തട്ടിക്കൊണ്ട് പോയ സംഭവം;പ്രതികളിൽ ഒരാളെ എയർപോർട്ടിൽ വെച്ച് പിടികൂടി.

താമരശ്ശേരിയിൽ വ്യാപാരിയെ തട്ടികൊണ്ടുപോയ സംഭവത്തിൽ ഒരാൾ കസ്റ്റഡിയിൽ. മലപ്പുറം സ്വദേശിയാണ് വിദേശത്തേക്ക് കടക്കാൻ ശ്രമിക്കുന്നതിനിടെ പോലിസിന്റെ പിടിയിലായത്.

കരിപ്പൂർ വിമാനത്താവളത്തിൽ വെച്ചാണ്അന്വേഷണ സംഘത്തിൻ്റെ പിടിയിലായത്. ഇയാളെ ചോദ്യം ചെയ്താൽ മറ്റു പ്രതികളെ കുറിച്ച് കൂടുതൽ വിവരങ്ങൾ ലഭിക്കുമെന്നാണ് അന്വേഷണ സംഘം കരുതുന്നത്. താമരശ്ശേരി അവേലം സ്വദേശി അഷ്റഫിനെ ശനിയാഴ്ച രാത്രി 9.45 ന് ആണ് .രണ്ട് വാഹനങ്ങളിലെത്തിയ സംഘം തട്ടിക്കൊണ്ടുപോയത്.