വൈകീട്ട് നാലോടെയാണ് അപകടം. മഞ്ചേരിയിൽ നിന്നും പാണ്ടിക്കാട് ഭാഗത്തേക്ക് പോവുകയായിരുന്ന ലോറി, എതിർ ഭാഗത്ത് നിന്ന് വരികയായിരുന്ന രണ്ട് ഓട്ടോറിക്ഷകളിലും ഒരു കാറിലും ഇടിക്കുകയായിരുന്നു. ഓട്ടോറിക്ഷ നിയന്ത്രണം വിട്ട് മറിഞ്ഞു. ഓട്ടോറിക്ഷ യാത്രക്കാരായ രണ്ട് പേരാണ് മരിച്ചത്. മൂന്ന് പേർക്ക് പരിക്കേറ്റു.
രണ്ട് പേരെ കോഴിക്കോട് മെഡിക്കൽ കോളജിലേക്കും ഒരാളെ മഞ്ചേരി മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ഭാര്യയെയും മക്കളെയും നെല്ലിക്കുത്തിലെ ഭാര്യവീട്ടിൽ കൊണ്ടുവിട്ടതിന് ശേഷം മടങ്ങി വരുന്നതിനിടെയാണ് റഫീഖ് സഞ്ചരിച്ച ഓട്ടോ അപകടത്തിൽ പെട്ടത്.
