നാല് മാസം മുമ്പാണ് സ്വപ്ന സുരേഷിന് ആര്.എസ്.എസ് അനുകൂല എന്.ജി.ഒയായ എച്ച്.ആര്.ഡി.എസില് ജോലി ലഭിച്ചത്. കോര്പ്പറേറ്റ് സോഷ്യല് റെസ്പോണ്സിബിലിറ്റിയുടെ ചുമതലയുള്ള ഡയറക്ടറായാണ് സ്വപ്ന സുരേഷിനെ നിയമിച്ചത്
മുന്കേന്ദ്രമന്ത്രിയും ബി.ജെ.പി നേതാവുമായ എസ്. കൃഷ്ണകുമാറിന്റെ നേതൃത്വത്തിലുള്ള എന്.ജി.ഒയാണ് ഹൈറേഞ്ച് റൂറല് ഡവലപ്മെന്റ് സൊസൈറ്റി. ആര്.എസ്.എസ്- ബി.ജെ.പി നേതാക്കളാണ് എന്.ജി.ഒയുടെ പ്രധാന പദവികളിലിരിക്കുന്നത്. മുഖ്യമന്ത്രി പിണറായി വിജയന്റെ മുന് പ്രിന്സിപ്പല് സെക്രട്ടറി എം. ശിവശങ്കറിനെതിരെ ആരോപണങ്ങള് ഉന്നയിച്ചതിന് പിന്നാലെയാണ് സ്വപ്ന സുരേഷ് ആര്.എസ്.എസ് അനുകൂല സംഘടനയില് ജോലി ലഭിച്ചത്. ആര്.എസ്.എസ് സ്വപ്ന സുരേഷിനെ നിയന്ത്രിക്കുകയാണെന്ന് സി.പി.എം ആരോപിച്ചിരുന്നു.