രക്തം നല്കൂ ജീവന് രക്ഷിക്കൂ എന്ന മഹാസന്ദേശവുമായി ഇന്ന് ലോകരക്തദാതാക്കളുടെ ദിനം. മറ്റുള്ളവരുടെ ജീവന് രക്ഷിയ്ക്കുവാനായി രക്തം ദാനം ചെയ്ത് മാതൃകയാക്കുന്നവരെ ഓര്ക്കുന്നതിനായാണ് ലോകാരോഗ്യസംഘടനയുടെ നേതൃത്വത്തില് ജൂണ് 14 ലോക രക്തദാതാക്കളുടെ ദിനമായി ആചരിക്കുന്നത്. ഉറ്റവരുടെ ജീവനു വേണ്ടി യാചിക്കുമ്പോള് സഹായ ഹസ്തവുമായി എത്തുന്നവരാണ് രക്തദാതാക്കള്. യാതൊരു പ്രതിഫലവും കൂടാതെ അവശ്യസമയങ്ങളില് രക്തദാനത്തിലൂടെ കരുതലാകുന്നവരാണ് ഇക്കൂട്ടരിലധികവും.