കോട്ടയം ഭരണങ്ങാനം പഞ്ചായത്തിലെ നാലാം വാര്ഡില് ഉരുള്പൊട്ടൽ. ഭരണങ്ങാനത്തിനടുത്ത് കുറുമണ്ണിന് സമീപം രണ്ടുമാവ് ചായനാനിക്കല് ജോയിയുടെ വീട് ഉരുള്പൊട്ടലില് തകര്ന്നു. സംഭവസമയത്ത് ആറ് പേര് വീട്ടിലുണ്ടായിരുന്നു. ആളപായം ഉണ്ടായില്ലെന്നാണ് റിപ്പോർട്ട്. ഇന്ന് പുലർച്ചെയാണ് അപകടം നടന്നത്. . വെള്ളമൊഴുക്കിന്റെ ആഘാതത്തില് അടുക്കളയും കുളിമുറിയും അടക്കം തകര്ന്നു. കടനാട്, ഭരണങ്ങാനം പഞ്ചായത്തുകളുടെ അതിര്ത്തിയിലാണ് ഉരുള്പൊട്ടലുണ്ടായത്. വീട്ടിൽ ഉണ്ടായിരുന്നവർ ബന്ധു വീട്ടിലേക്കു മാറി.
