കെഎസ്ആര്ടിസി സൂപ്പര് ഡീലക്സ് ബസില് യാത്രക്കാരിയെ പീഡിപ്പിക്കാന് ഡ്രൈവറുടെ ശ്രമമെന്ന് പരാതി. പത്തനംതിട്ട ഡിപ്പോയില് നിന്നും ബംഗളൂരുവിലേക്കുള്ള സൂപ്പര് ഡീലക്സ് ബസിൽ ശനിയാഴ്ച പുലര്ച്ചെ മൂന്നിനാണ് സംഭവം. ബംഗളൂരുവില് സ്ഥിരതാമസമാക്കിയ കുടുംബത്തിലെ വിദ്യാര്ഥിനി ഇ- മെയിൽ വഴി പരാതി നൽകി. പരാതിയില് കെഎസ്ആര്ടിസി വിജിലന്സ് ഓഫീസര് അന്വേഷണം തുടങ്ങി. പത്തനംതിട്ട ഡിപ്പോയിലെ ഡ്രൈവര് ഷാജഹാനെതിരേയാണ് പരാതി. ശനിയാഴ്ച പുലര്ച്ചെ മൂന്നിന് കൃഷ്ണഗിരിക്ക് സമീപം വച്ചാണ് പീഡനം നടന്നത് എന്നാണ് പരാതിയില് പറയുന്നത്. യുവതി ബംഗളൂരുവില് എത്തിയതിന് ശേഷം ഇ-മെയിലിലാണ് പരാതി നല്കിയത്.
