അപ്രതീക്ഷിതമായി ശവപ്പെട്ടി തിരിച്ചുവന്നതിനാല് പ്രതിഷേധകര്ക്ക് തടയാനായില്ല. മുദ്രവാക്യം വിളിക്കുകയായിരുന്ന നേതാവിന്റെ തലയിലേക്ക് വീണു. ഇതേ തുടര്ന്ന് പോലീസും പ്രവര്ത്തകരും തമ്മില് വാക്കേറ്റമുണ്ടായി. തുടര്ന്ന് പോലീസ് ലാത്തിവീശി പ്രവര്ത്തകരെ ഓടിച്ചു. യൂത്ത് കോണ്ഗ്രസ് ജില്ലാ സെക്രട്ടറി സലീം കയ്പമംഗലം, കയ്പമംഗലം പോലീസ് സ്റ്റേഷനിലെ സിവില് പോലീസ് ഓഫീസര് ജിജോ വില്ഫ്രഡ് എന്നിവര്ക്കാണ് ശവപ്പെട്ടി തലയില് വീണ് പരിക്ക് പറ്റിയത്.
പോലീസ് ലാത്തിച്ചാര്ജില് പ്രതിഷേധിച്ച് പ്രവര്ത്തകര് പ്രകടനം നടത്തി. വലപ്പാട് ഇന്സ്പെക്ടര് കെ.എസ്.സുശാന്ത്, കയ്പമംഗലം എസ്.ഐ സുബീഷ് മോന്, മതിലകം എസ്.ഐ വി.വി.വിമല് എന്നിവരുടെ നേതൃത്വത്തിലുള്ള പോലീസാണ് സ്ഥലത്തുണ്ടായിരുന്നത്. സമരം യൂത്ത് കോണ്ഗ്രസ് സംസ്ഥാന സെക്രട്ടറി ശോഭ സുബിന് ഉദ്ഘാടനം ചെയ്തു. യൂത്ത് കോണ്ഗ്രസ് നിയോജക മണ്ഡലം പ്രസിഡന്റ് മനാഫ് അഴീക്കോട് അധ്യക്ഷനായി.