വെളുത്തുള്ളി ചൂടുവെള്ളത്തൊടൊപ്പമോ അല്ലെങ്കില് അല്പം ചെറുനാരങ്ങാനീരിലോ ചേര്ത്തു കഴിയ്ക്കാം. ഇതല്ലെങ്കില് വെളുത്തുള്ളി ചതച്ച് അല്പം ഒലീവ് ഓയില് ചേര്ത്തിളക്കി വെരിക്കോസ് വെയിനില് പുരട്ടാം. ഇതിലെ സള്ഫ്യൂരിക് ഘടകങ്ങള് ഞരമ്പുകളുടെ വീര്മത കുറയ്ക്കുന്ന ഒന്നാണ്. തടിപ്പും അസ്വസ്ഥതയും കുറയ്ക്കുന്ന ഒന്നാണ്. ഇതിന്റെ ആന്റിഓക്സിഡന്റ് ഗുണങ്ങളാണ് വെളുത്തുള്ളിയ്ക്ക് മരുന്നു ഗുണം നല്കുന്നത്.
വെരിക്കോസ് വെയിനുള്ള പരിഹാര വഴികളില് ഒന്നാണ് കോഫി പൗഡര് അഥവാ കാപ്പിപ്പൊടി. ഇത് വളരെ ലളിതമായി ഉപയോഗിയ്ക്കുകയും ചെയ്യാം. കാപ്പിപ്പൊടി അല്പം ചൂടുവെളളത്തിലോ ഒലീവ് ഓയിലിലോ കലര്ത്തുക. ഇത് വെരിക്കോസ് വെയിനുള്ള ഭാഗത്തു പതുക്കെ മസാജ് ചെയ്യുക.ഇത് രക്തപ്രവാഹം വര്ദ്ധിപ്പിയ്ക്കാനും വെയിനുകളുടെ തടിപ്പ് കുറയാനും ഏറെ നല്ലതാണ്.
* പച്ചത്തക്കാളി ഈ പ്രശ്നത്തിന് നല്ലതാണ്. 1 ടേബിള് സ്പൂണ് തേന്, രണ്ട് പച്ചത്തക്കാളി എന്നിവ ചേര്ത്തടിച്ച് രാവിലെ വെറുംവയറ്റില് കഴിയ്ക്കാം.
* ആരോഗ്യത്തിനും സൗന്ദര്യത്തിനും മുടിയ്ക്കുമെല്ലാം ഗുണങ്ങള് നല്കുന്ന കറ്റാര് വാഴ ഇവിടെയും ഒരു പരിഹാര വഴിയായി പ്രവര്ത്തിയ്ക്കുന്ന ഒന്നാണ്. ഇതിന്റെ ഈര്പ്പം ശരീരം വലിച്ചെടുക്കുമ്പോള് ഞരമ്പുകളുടെ തടിപ്പ് കുറയും. ഇതിലെ ന്യൂട്രിയന്റുകള് ചര്മ്മത്തേയും സര്കുലേറ്ററി സിസ്റ്റത്തേയും സുഖപ്പെടുത്താന് ഏറെ ഗുണകരമാണ് ഞരമ്പുകളുടെ തടിപ്പ് കുറയാന് നല്ലതുമാണ്. കററാര് വാഴ ജെല് കൊണ്ട് ഈ ഭാഗം മസാജ് ചെയ്താല് മതിയാകും. കറ്റാര് വാഴ പോള നടുവേ കീറി ഇത് വച്ച് മസാജ് ചെയ്യാം. കഴുകണമെന്നുമില്ല.
Tags:
Health