ഓർഡർ റദ്ദായതാണെന്ന് പറഞ്ഞെങ്കിലും, പാർസൽ കൈപ്പറ്റണമെന്നായിരുന്നത്രെ മറുപടി. 1000 രൂപ സാധനം കൊണ്ടുവന്ന ആൾക്ക് നൽകി. 110 രൂപ ഇയാളുടെ അക്കൗണ്ടിലേക്കും അയച്ചു. കവർ പൊളിച്ചപ്പോഴാണ് വഞ്ചിക്കപ്പെട്ടതായി മനസ്സിലായത്. കവറിൽ ഓർഡർ അയച്ച കമ്പനിയുടെ വിവരങ്ങളൊന്നും രേഖപ്പെടുത്തിയിരുന്നില്ല. ആദ്യം ഓർഡർ എടുത്ത കമ്പനിക്ക് പരാതി നൽകിയിട്ടുണ്ട്.
ഓൺലൈൻ വഴി ഓർഡർ നൽകുന്നവർക്ക് ഇത്തരം സാധനങ്ങൾ അയച്ചു നൽകുന്ന തട്ടിപ്പ് ഇപ്പോൾ വ്യാപകമാണ്. താമരശ്ശേരിയിൽ നിന്നും കുട്ടികളുടെ ഉടുപ്പിന് ഓർഡർ ചെയ്തയാൾക്ക് ലഭിച്ചതും പഴന്തുണികളായിരുന്നു.പണം കൈമാറുന്നതിന് മുമ്പ് തുറന്ന് പരിശോധിച്ചതിനാൽ പണം നഷ്ടമായില്ല.