പൊന്നാനി എം.പിയും മുസ്ലിം ലീഗ് ദേശീയ ഓര്ഗനൈസിംഗ് സെക്രട്ടറിയുമായ ഇ.ടി. മുഹമ്മദ് ബഷീറിന്റെ മകനെതിരെ ജപ്തി നടപടി. പഞ്ചാബ് നാഷണല് ബാങ്ക്, കനറാ ബാങ്ക് തുടങ്ങിയ ബാങ്കുകളാണ് ജപ്തി നീക്കവുമായി രംഗത്തെത്തിയത്.200 കോടിയുടെ വായ്പാ തിരിച്ചടവ് മുടങ്ങിയതിനെ തുടർന്നാണ് ജപ്തി നടപടി.
ഇ.ടി ഫിറോസിന്റെ ഉടമസ്ഥതയിലുള്ള അന്നം സ്റ്റീല് പ്രൈവറ്റ് ലിമിറ്റഡിനായി എടുത്ത വായ്പാ തിരിച്ചടവ് മുടങ്ങിയതിനെ തുടര്ന്നാണ് നടപടി. വായ്പാ തിരിച്ചടവ് മുടങ്ങിയതുമായി ബന്ധപ്പെട്ടുള്ള കോഴിക്കോട് സി.ജെ.എം കോടതിയുടെ ഉത്തരവ് ചുവട് പിടിച്ചാണ് ബാങ്കുകള് ജപ്തി നടപടിയുമായി മുന്നോട്ട് പോവുന്നത്.
ഈ മാസം 21 നകം വസ്തുവകകള് ഏറ്റെടുക്കണം എന്നാണ് കോടതി നിര്ദേശം. ഇ.ടി. ഫിറോസിന്റെ വീടും വസ്തുവകകളും ജപ്തി ചെയ്യാനാണ് ബാങ്കുകളുടെ നീക്കം. കോഴിക്കോട്ടെ ഫോര് ഇന് ബസാറും ജപ്തിചെയ്യേണ്ട വസ്തുക്കളുടെ പട്ടികയില് ഉള്പ്പെടുന്നു.
ഇരുമ്പയിർ ബിസിനസിൻ്റെ മറവിൽ ഫിറോസ് കോടികൾ തട്ടിയ വാർത്ത നേരത്തെ മാധ്യമങ്ങൾ പുറത്ത് വിടിരുന്നു.
Tags:
Latest News