ബിഹാറിൽ ജിതിയ വ്രതത്തില് ആണ്കുട്ടികള് പാര്ലെ ജി ബിസ്കറ്റ് കഴിക്കാന് വിസമ്മതിച്ചാല് ഭാവിയില് അനിഷ്ട സംഭവങ്ങള് ഉണ്ടാകുമെന്ന് കുപ്രചരണം. ബിഹാറിലെ ഹൈന്ദവര് വര്ഷം തോറും എടുക്കുന്ന വ്രതമാണ് ജിവിത്പുത്രിക വ്രതം അഥവാ ജിതിയ വ്രതം. ഇതിന്റെ ഭാഗമായി കുട്ടികളുടെ ദീര്ഘായുസിനും ആരോഗ്യകരവും സമൃദ്ധവുമായ ജീവിതത്തിനായി അമ്മമാര് 24 മണിക്കൂര് ഉപവസിക്കുന്നു.വ്യാഴാഴ്ചയായിരുന്നു ജില്ലയിലെ ചില സ്ഥലങ്ങളിൽ പാർലെ-ജി ബിസ്ക്കറ്റിനെക്കുറിച്ച് അഭ്യൂഹം പരന്നത്. ഇതേതുടര്ന്ന് കടകളിലും മറ്റും ബിസ്കറ്റ് വാങ്ങാന് വലിയ തിരക്കാണ് അനുഭവപ്പെട്ടുവത്രേ. പല ഷോപ്പുകളുടെ മുന്നിലും നീണ്ട ക്യൂ ദൃശ്യമായി. ഒരു ബിസ്കറ്റ് പായ്ക്കറ്റ് എങ്കിലും കിട്ടിയാല് മതിയെന്നായിരുന്നു ആളുകള്ക്ക്. ഇതോടെ ഭൂരിഭാഗം കടകളിലെയും പാര്ലെ ജി ബിസ്കറ്റുകള് നിമിഷനേരം കൊണ്ട് വിറ്റഴിയുകയും ചെയ്തു. ആവശ്യം മുതലാക്കി പലരും ബിസ്കറ്റ് കരിഞ്ചന്തയിലും വില്പന നടത്തി. 5 രൂപ വിലയുള്ള ബിസ്കറ്റിന് 50 രൂപയാണ് കരിഞ്ചന്തയില് ഈടാക്കിയത് എന്നാണ് വാർത്ത.
