നിലവിലെ പൊലീസ് യൂനിഫോമിൽ മത വിശ്വാസം പാലിക്കാനാവില്ലെന്നായിരുന്നു കോടതിക്കു മുന്നിലെത്തിയ ഹരജി. എന്നാല് സ്റ്റുഡൻറ്സ് പൊലീസ് കേഡറ്റിൽ ചേരാൻ ആരും നിർബന്ധിക്കുന്നില്ലെന്ന് കോടതി ചൂണ്ടിക്കാട്ടി. യൂനിഫോം മാനദണ്ഡം പാലിക്കാനാവില്ലെങ്കിൽ ഹരജിക്കാരിക്ക് എസ്.പി.സി.യിൽ ചേരാതിരിക്കാം.
എസ്.പി.സി അംഗമാവുകയെന്നത് പാഠ്യപദ്ധതിയുടെ ഭാഗമല്ലെന്നും കോടതി ചൂണ്ടിക്കാട്ടി. ഇതു സംബന്ധിച്ച് സർക്കാറിന് നിവേദനം നൽകുമെന്നും പരിഗണിക്കാൻ നിർദേശിക്കണമെന്നും ഹരജിക്കാരി ആവശ്യപ്പെട്ടു. ഇത് കോടതി അനുവദിക്കുകയായിരുന്നു. നിവേദനം രണ്ടാഴ്ചക്കകം നൽകണമെന്നും കോടതി ആവശ്യപ്പെട്ടു.