കാട്ടുപന്നി ബൈക്കിലിടിച്ചു; വീണ് പരുക്കേറ്റ യുവാവ് മരിച്ചു

തൃശൂര്‍: ഇഞ്ചക്കുണ്ടില്‍ കാട്ടുപന്നി ബൈക്കില്‍ തട്ടി നിയന്ത്രണംവിട്ട് മറിഞ്ഞ് യുവാവ് മരിച്ചു. ഇഞ്ചക്കുണ്ട് സ്വദേശി സ്റ്റെബിന്‍ (22) ആണ്് മരിച്ചത്. ഒപ്പം യാത്ര ചെയ്തിരുന്ന സുഹൃത്ത് ജോയലിന് ഗുരുതരമായി പരുക്കേറ്റു. സംഭവം നടന്ന ഉടനെ ഇരുവരെയും തൃശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും സ്റ്റെബിന്‍ രാത്രിതന്നെ മരിച്ചു.

മലയോര ഗ്രാമപ്രദേശമായ ഇവിടെ കാട്ടുപന്നി ശല്യം വ്യാപകമാണ്. കഴിഞ്ഞ മാസം തൃശൂര്‍ അയ്യന്തോളില്‍ മയില്‍ നെഞ്ചില്‍ തട്ടി നിയന്ത്രണം വിട്ട് ബൈക്ക് യാത്രക്കാരന്‍ മരിച്ചിരുന്നു.