താമരശ്ശേരി: ദേശീയ പാതയിൽ പൂക്കോട് വെറ്ററിനറി സർവകലാശാലക്ക് സമീപം ലക്കിടി വളവിൽ ഇടിഞ്ഞ ഭാഗം നികത്തുന്നതിനിടെ മുകളിൽനിന്നും കനത്ത തോതിൽ മണ്ണും കല്ലും മരങ്ങളും താഴേക്ക് പതിക്കുന്നത് ഗതാഗത്തിന് ഭീഷണിയായി. മീറ്ററുകൾ നീളത്തിലാണ് 50 അടിയോളം ഉയരത്തിൽനിന്നും മണ്ണും കല്ലും റോഡിലേക്ക് പതിക്കുന്നത്.
നിരവധി മരങ്ങൾ താഴേക്ക് പതിക്കാൻ തക്ക വിധത്തിൽ ഭീഷണിയായി നിൽക്കുന്നതിനാൽ ഗതാഗത നിയന്ത്രണം ഏർപ്പെടുത്തി. വൈത്തിരി പൊലീസ് സ്ഥലത്തുണ്ട്. വൺവേ ആയിട്ടാണ് വാഹനങ്ങൾ കടത്തിവിടുന്നത്.
