പയ്യന്നൂർ: മയക്കുമരുന്നായ എം.ഡി.എം.എ സഹിതം രണ്ട് യുവാക്കളെ പയ്യന്നൂർ പൊലീസ് അറസ്റ്റുചെയ്തു. പയ്യന്നൂർ തായിനേരി എസ്.എ.ബി.ടി.എം.എച്ച്.എസ് സ്കൂളിനു സമീപത്തെ എം. അസ്കർ അലി (35), കാഞ്ഞങ്ങാട് നാണിക്കടവ് സ്വദേശി കെ. ഹർഷാദ് (32) എന്നിവരെയാണ് പയ്യന്നൂർ പ്രിൻസിപ്പൽ എസ്.ഐ പി. യദുകൃഷ്ണൻ, എസ്.ഐ ഗിരീശൻ, എ.എസ്.ഐ നികേഷ്, സി.പി.ഒ ഭാസ്കരൻ തുടങ്ങിയവർ ചേർന്ന് അറസ്റ്റുചെയ്തത്. ഹർഷാദ് ഹോസ്ദുർഗ് പൊലീസ് സ്റ്റേഷനിലും നിരവധി കേസുകളിൽ പ്രതിയാണെന്ന് പൊലീസ് പറഞ്ഞു.
