ആലപ്പുഴ: ആനയുടെ ആക്രമണത്തില് പരിക്കേറ്റ പാപ്പാന് മരിച്ചു. പാലാ കിടങ്ങൂര് ചൂണ്ടമലയില് തങ്കപ്പന്റെ മകന് ജയ്മോന്(43) ആണ് മരിച്ചു. ആലപ്പുഴ ഹരിപ്പാട് സുബ്രഹ്മണ്യ സ്വാമി ക്ഷേത്രത്തിലെ സ്കന്ദന് എന്ന ആനയുടെ ആക്രമണത്തിലാണ് ജയ്മോന് മരിച്ചത്. ക്ഷേത്രത്തിനു സമീപത്ത് തളച്ചിരുന്ന ആനയ്ക്ക് തീറ്റ നല്കാനായി എത്തിയപ്പോഴാണ് പാപ്പാനെ ആക്രമിച്ചത്.
ശനിയാഴ്ച ഉച്ചയ്ക്കായിരുന്നു സംഭവം. തീറ്റയുമായി ആനയ്ക്ക് സമീപമെത്തിയപ്പോള് തുമ്പിക്കൈ കൊണ്ട് ചുറ്റിപ്പിടിക്കുകയായിരുന്നു. ഗുരുതരമായി പരിക്കേറ്റ ജയ്മോനെ ഹരിപ്പാട് താലൂക്ക് ആശുപത്രിയിലും പിന്നീട് വണ്ടാനം മെഡിക്കല് കോളേജിലിം പ്രവേശിപ്പിച്ചിരുന്നു. എന്നാല് വൈകുന്നേരത്തോടെ മരിച്ചു.
