കൊറിയറിൽ പതിവായി സെക്​സ്​ ടോയ്​സ്​; പെൺകുട്ടിയുടെ പരാതിയിൽ അന്വേഷണം ചെന്നെത്തിയത്​ നിരസിച്ച പ്രണയത്തിൽ

മുംബൈ: പ്രണയാഭ്യർഥന നിരസിച്ചതിനെ തുടർന്ന്​ അയൽക്കാരിയായ 21കാരിക്ക്​ സെക്​സ്​ ടോയ്​സ്​ അയച്ചുകൊടുക്കുകയും ഫോൺ നമ്പർ പോൺ സൈറ്റുകളിൽ പ്രസിദ്ധീകരിക്കുകയും ചെയ്​ത യുവാവ്​ അറസ്റ്റിൽ. മാസങ്ങൾ നീണ്ട അന്വേഷണത്തിനൊടുവിലാണ് പ്രതി കുനാൽ​ അ​ങ്കോൽക്കറിനെ മുംബൈയിൽ വെച്ച്​ അറസ്റ്റ്​ ചെയ്​തത്​.

വിദ്യാർഥിനിക്ക്​ കുനാൽ അ​ങ്കോൽക്കർ ഇ- കൊമേഴ്​സ്​ ​സൈറ്റുകൾ വഴിയാണ്​ സെക്​സ്​ ടോയ്​സ്​ അയച്ചുകൊണ്ടിരുന്നത്​. ക്യാഷ്​ ഓൺ ഡെലിവറി സംവിധാനത്തിലാണ്​ കുനാൽ പ്രൊഡക്​ടുകൾ സൈറ്റ്​ വഴി ഓർഡർ ചെയ്യുന്നത്​. പ്രണയാഭ്യർഥന നിരസിച്ചതിന്​ പിന്നാലെയാണ്​ ഈ പരിപാടി തുടങ്ങിയതെന്ന്​ പൊലീസ്​ പറഞ്ഞു.

വീട്ടി​ലേക്ക്​ ഇത്തരം ഉപകരണം അയക്കുന്നത്​ സംബന്ധിച്ച്​ പെൺകുട്ടി ഫെബ്രുവരിയിൽ മലാദ്​ പൊലീസ്​ സ്​റ്റേഷനിൽ പരാതി നൽകിയിരുന്നു. സൈബർ കുറ്റകൃത്യമായതിനാൽ കേസ്​ മുംബൈ പൊലീസിന്‍റെ സൈബർ സെല്ലിന്​ കൈമാറുകയായിരുന്നു.

പൊലീസ്​ ആദ്യം കൊറിയർ കമ്പനികൾ മുഖേന പ്രതിയെ അന്വേഷിച്ചെങ്കിലൂം ഒരിടത്തും ഇയാൾ പേര്​ നൽകിയിരുന്നില്ല. ശേഷം വി.പി.എൻ വിവരങ്ങൾ ആരാഞ്ഞു. ഒരോ തവണയും വേറെ വേറെ ഐ.പി അഡ്രസിലാണ്​ ഇയാൾ സാധനങ്ങൾ ഓർഡർ ചെയ്​തിരുന്നത്​. പ്രദേശ​ത്തെ 500ലധികം സേവനദാതാക്കളെ പൊലീസ്​ പരിശോധനക്ക്​ വിധേയമാക്കി.

അവസാനം സാ​ങ്കേതിക വിദഗ്​ധൻമാരുടെയും ഇന്‍റലിജൻസിന്‍റെയും സഹായത്തോടെയാണ്​ സൈബർ സെൽ കുനാലിനെ പിടികൂടിയത്​.