ആശ്രിത നിയമനം പൂർണമായും ഒഴിവാക്കണമെന്നാണ് മറ്റൊരു ശുപാർശ. സർവീസിലിരിക്കുന്ന ഒരാൾ മരണപ്പെടുമ്പോൾ ബന്ധുവിന് ജോലി നൽകുന്നതിലൂടെ ഉദ്ദേശലക്ഷ്യങ്ങൾ കൈവരിക്കാൻ പ്രാപ്തമല്ല. ആശ്രിതർക്ക് മെച്ചപ്പെട്ട സാമ്പത്തിക ആനുകൂല്യങ്ങൾ നൽകണം. എന്നാൽ ഭരണഘടനയനുസരിച്ച് ആർട്ടിക്കിൾ 16ന്റെ അന്തസത്ത ലംഘിക്കുന്നതുകൊണ്ടും സർവീസ് കാര്യക്ഷമതയിൽ ഇടിവ് സംഭവിക്കുന്നതുകൊണ്ടും പൊതു ഉദ്യോഗാർത്ഥികളുടെ അവസരം കുറയുന്നതുകൊണ്ടും ആശ്രിത നിയമനം നിർത്തണമെന്നാണ് ശുപാർശ.
സർക്കാർ ഖജനാവിൽ നിന്ന് ശമ്പളം കൈപ്പറ്റുന്ന എയ്ഡഡ് കോളേജ്, സ്കൂൾ അധ്യാപകരുടെ നിയമനത്തിൽ സുതാര്യതയുണ്ടാകണമെന്നതാണ് മറ്റൊരു പ്രധാന ശുപാർശ. ഇത്തരം നിയമനങ്ങൾ മെറിറ്റ് അടിസ്ഥാനത്തിൽ വേണമെന്നാണ് കമ്മിഷൻ ശുപാർശ. മാനേജ്മെന്റുകളുടെ കൂടി സഹകരണത്തോടുകൂടി ഇത് നടപ്പിലാക്കാൻ വേണ്ട നടപടികൾ കേരള റിക്രൂട്ട്മെന്റ് ബോർഡ് ഫോർ പ്രൈവറ്റ് സ്കൂൾ ആൻഡ് കോളേജ് സ്വീകരിക്കണമെന്നും അതുവരെ അഭിമുഖങ്ങൾ ഉൾപ്പെടെ വീഡിയോ റെക്കോർഡ് ചെയ്യുന്ന രീതി സ്വീകരിക്കാമെന്നാണ് ശുപാർശയിൽ പറയുന്നത്.പരാതികളുയർന്നാൽ പരിഹരിക്കുന്നതിന് റിട്ടയേഡ് ഹൈക്കോടതി ജഡ്ജി ഓംബുട്സ്മാനായുള്ള ഒരു സമിതി വേണമെന്നും ശുപാർശയിൽ പറയുന്നു