ബന്ധുക്കള് തമ്മിലുണ്ടായ വാക്ക് തര്ക്കത്തെ തുടര്ന്ന് വെട്ടേറ്റ് മരിച്ചു
byT News•
0
വയനാട് കേണിച്ചിറയിൽ ബന്ധുക്കള് തമ്മിലുണ്ടായ വാക്ക് തര്ക്കത്തെ തുടര്ന്ന് ഒരാള് വെട്ടേറ്റ് മരിച്ചു. കവളമാക്കല് സജി (50) ആണ് കൊല്ലപ്പെട്ടത്. ഇയാളെ വെട്ടിയ ബന്ധുവും ഓട്ടോ ഡ്രൈവറുമായ അഭിലാഷ് (33)നെ പരിക്കുകളോടെ കോഴിക്കോട് മെഡിക്കല് കോളേജില് പ്രവേശിപ്പിച്ചു.
ഇന്നലെ രാത്രി പത്തരയോടെയാണ് സംഭവം. വൈകുന്നേരം ആറരയോടെ ഇരുവരും ഒരുമിച്ച് മദ്യപിക്കുകയും പിന്നീട് വഴക്കിടുകയും ചെയ്തിരുന്നു. തുടര്ന്ന് രാത്രി വീടിന് സമീപത്തെ റോഡില് വെച്ച് വീണ്ടും വഴക്കിട്ടതിനെ തുടര്ന്ന് സജിയുടെ കൈയ്ക്ക് അഭിലാഷ് വെട്ടുകയായിരുന്നുവെന്നാണ് വിവരം.
കൈയ്ക്ക് ഗുരുതരമായി പരിക്കേറ്റ സജിയെ ആദ്യം ബത്തേരി താലൂക്കാശുപത്രിയിലും പിന്നീട് കോഴിക്കോട് മെഡിക്കല് കോളേജിലും പ്രവേശിപ്പിച്ചുവെങ്കിലും പുലര്ച്ചയോടെ മരിക്കുകയായിരുന്നു.
