2017 മുതല് 2020 വരെയുള്ള കണക്കുകളെ കുറിച്ചാണ് മന്ത്രി പറഞ്ഞത്. 2017ല് പ്രണയ ബന്ധത്തിന്റെ പേരില് 83 പേര്ക്കാണ് ജീവന് നഷ്ടമായത്. മൂന്ന് കൊലപാതകങ്ങളും 80 ആത്മഹത്യകളുമാണ് 2017-ല് റിപ്പോര്ട്ട് ചെയ്തത്. 2018-ല് പ്രണയം മൂലം കൊലപാതകങ്ങള് റിപ്പോര്ട്ട് ചെയ്തിട്ടില്ല. എന്നാല് 76 പെണ്കുട്ടികളാണ് ആത്മഹത്യ ചെയ്തതെന്ന് മന്ത്രി പറഞ്ഞു.
2019-ല് അഞ്ചു കൊലപാതകങ്ങളും 88 ആത്മഹത്യകളും ഉള്പ്പെടെ 93 കേസുകള് റിപ്പോര്ട്ട് ചെയ്തിട്ടുണ്ട്. എന്നാല്, പ്രണയബന്ധങ്ങളുടെ പേരില് 2020-ലാണ് ഏറ്റവും കൂടുതല് പെണ്കുട്ടികള് മരണപ്പെട്ടത്. രണ്ട് കൊലപാതകങ്ങളും 96 ആത്മഹത്യകളും അടക്കം 98 കേസുകളാണ് റിപ്പോര്ട്ട് ചെയ്തിരിക്കുന്നതെന്നും മന്ത്രി വ്യക്തമാക്കി.