കാട്ടാന കൃഷി നശിപ്പിച്ചു

ചക്കിട്ടപ്പാറ: ചക്കിട്ടപ്പാറ ഭാഗത്ത് കാട്ടാന കൃഷിഭൂമിയിൽ കയറി വ്യാപകമായി കൃഷി നശിപ്പിച്ചു.  തിങ്കളാഴ്‌ച രാത്രിയാണ്  ചക്കിട്ടപ്പാറയിലെ കർഷകരുടെ ഭൂമിയിൽ കാട്ടാന വിണ്ടും ഇറങ്ങി കായ്ഫലമുള്ള തെങ്ങുകയും ,കവുങ്ങ്കകളും, ജാതി മരങ്ങളും. വാഴകളും  നശിപ്പിക്കുകയും കയ്യാല കെട്ടുകൾ തകർക്കുകയും ചെയ്തു. ചക്കിട്ടപ്പാറ, പെരുവണ്ണാമൂഴി ,ചെമ്പനോട് പ്രദേശങ്ങളിലെ ജനങ്ങൾ ഭീതിയോടെയാണ് സ്വന്തം വീടു കളിൽ കഴിയുന്നത്  എന്ന് കർഷകർ പറഞ്ഞു. ഏതു സമയത്തും കാട്ടാന വിട്ടുമുറ്റത്ത്‌ വരുമെന്ന പേടിയിലാണ്  കർഷകർ,

കഴിഞ്ഞ ദിവസം വനം വകുപ്പ് മന്ത്രിയും സ്ഥലം എം എൽ.എ.യും കർഷക നേതാക്കളും തമ്മിൽ നടത്തിയ ചർച്ചയിൽ പെരുവണ്ണാമുഴിയിൽ കാട്ടാന ഇറങ്ങുന്ന പ്രദേശത്ത് മൂന്ന് കിലോമീറ്റർ നീളത്തിൽ  മതിൽ നിമ്മിക്കാമെന്നും ഉടൻ പ്രവൃത്തി  ആരംഭിക്കുമെന്നും വനം വകുപ്പ് കർഷകർക്ക് ഉറപ്പ് നൽകിയിരുന്നു. ഇന്നലെ രാത്രിയിലാണ് വിണ്ടും കാട്ടാന നാട്ടിൽ ഇറങ്ങിയത്, വനത്തിൽ നിന്നും നാട്ടിലിറങ്ങി  ജനങ്ങളുടെ ജീവനും സ്വത്തിനും ഭീഷണിയായ കാട്ടാനയെ വെടിവെച്ച് കൊല്ലുകയോ. മയക്ക് വെടിവെച്ച് ആനയെ പിടികൂടി  ഉൾവനത്തിലേക്ക് എത്തിക്കുകയോ  ചെയ്യണമെന്ന് കട്ടിപ്പാറ സംയുക്ത കർഷക കൂട്ടായ്മ ആവശ്യപ്പെട്ടു. ഇതു സംബന്ധിച്ച് വനം വകുപ്പിന് പരാതി നൽകുമെന്ന് കൂട്ടായ്മ ചെയർമാൻ കെ.വി.സെബാസ്റ്റൻ  അറിയിച്ചു.